شووفو اكاذيب الشباب على البناتــ..

من طرف **'' Crash ''** الجمعة أغسطس 21, 2009 11:08 pm

لسلام عليكم ورحمة الله وبركاته ..

اليوم جايبه لكم موضوع عن الشباب اللي يقصون على البنات..

<<وبدون زعل لان هذي الحقيقه>>

1- حبيبتي تدرين والله ما عندي حركات الشباااب ... ما أكلم بنات!... أصلاً ما أحب هالحركات!...
(( باين وانت كل بنات العالم يعرفونك ))

2- ما أدري حبيبتي أحس إني أعرفك من زمااااااان!
((لا يمكن غلطان بينها وبين وحده كنت تعرفها أول..يمكن في شبه))

3- حبيبتي أحس إنك غير عن كل البنات!.. أحس إنك مختلفة وغير عنهم!...
(( ليش فوق رأسها ريشه ولا من كوكب ثاني ))

4- حبيبتي والله أحس في أشياء كثيرة أنا وانتي نتشابه فيهااا .. كأننا شخص واحد!...
(( سبحان الله أخوها في الإسلام لازم يكون في شبه ههههههههه))

5- ياريتني يا قلبي عرفتك من زمان!...
(( معليش كان عندك زحمة ))

6- حبيبتي انت تآمرين قلبي أمر... كل الي تقولينه لبيه!...
((إيه في الأحلام أكيد))
7- حياتي أبيك تتغطين عشان محد يشوفك...لاني اغااااااار!...
((لا ياحرااااام الغيرة حرقت قلبك حرق))

8- بجي بخطبك من أهلك بعد ما أكون نفسي!...
(( أجل من تكون هههه بس صح تكسر الخاطر فلوسك كلها على الجوال والسيارة وعزائم أصحابك ))

9- يا قلبي أبغى أشوفك في أقرب وقت...ما أقدر على الشوق اللي ذابحني!...
(( يبغى أصحابه يتأكدون إنها حلوه ))

10- أنا أحب الشعر ومن هواياتي الرسم والسباحة!...
(( لا رومنسي الحبيب ))

11- حبيبتي حطي في بالك أنا إذا حبيت حبيت من قلبي!...
(( أقول بس أي قلب فيهم؟...))

12- علاقتي فيك محد يدري فيها أبد لأنها من أهم خصوصياتي!...
(( بس عاد كل أصحابه يدرون...لأنهم مو أي أحد ))

13- شكلي حبيبتي راح اطق لي جاكوار من الوكالة!...
(( إذا مو هوندا موديل76 من الحراج لا ومديون لخويانك وترجي لابوك انة يكمل لك الباقي))

14- احتمال أروح سويسرا الصيف الجاي!... (موكنها مزحة يمكن تروحها لما تمسك الريموت وتبدل قنوات بالستلايت)
(( ايه هين ))
15- دايم اشتري عطوري من تناغرا!...
(( الحمد والشكر لله ))
16- لما أشوف رقمك في جوالي قلبي يفز من مكانه!...
(( أكيد خايف أكون كشفت ملاعيبك ))

17- فلان قال لي أعطيه رقمك... بس أنا قلت له اقتلني قبل لا تاخذ رقمها مني!...
(( هههههههه يا مضحي إنت يا شجاع...هذا إذا مو كل الشباب يعرفون رقمها المسكينة))

18- حبيبتي أبغى صورتك علشان قبل ما أنام أتاملها وأحلم فيكِ!...
(( وانت الصادق علشان لمن تمل منها تهددها ))

19- آسف حبيبتي أمس ما اتصلت عليك بس كنت مشغووووول مررررة مع الدراسة!...
((باين يا نيوووتن انتااااا ))

20- تدرين حبيبتي دايماً البنات في السنتر يطلبون رقمي ... بس أنا ما عطيهم وجه دام انتي حبي!...
(( هاهاااي .. الترتيب الصحيح للجمله .. دايماً أنا الحق البنات بس ما يعطوني وجه ))

21- والله حبيبتي كان ودي اجي عالموعد اليوم بس صارت ظروف صعبة جدااا وماقدر اجيك!...
(( ايه صح تذكر موعده مع خويته الثانية اللي واعدها 10 مرات وخلف وعده))

22- أمس مانمت... طول الوقت أفكر فيك... اخذتي عقلي حبيبتي!...
((الا قصدك نمت وحلمت وشبعت نووم ولا تدري عنهاااا اصلاً ))

23- انتي أحلي بنت شفتها بحياتي ماظن ألقى أحلي منك!...
((ليش متعرف على ملكة جمال الكون وحنا ماندري ؟؟ ))

24- الظاهر بشتري كمبيوتر جديد... كمبيوتري صار له شهرين معاي وكمبيوتر اخوي مايعجبني والكمبيوتر الثاني ماتأقلمت معااه!...
((مشااءالله وكالة كمبيوتراات ... اراهن بعمري على انه كمبيوترك قديييييييم من العصر الجاهلي وماعندك غيره كل ماخرب صلحته ))

25- ما افتح الماسنجر الا اذا انتي موجوده ... أصلاً النت بدونك مايسوى!...
((يقصد .. ما فك عنك البلوك الا بعد ربع ساعة من تدخلين ... وترى النت بدون البنات ما يسوى ))

أتمنى انو محد يزعل :::::::::

>>>بس الصراااحه ماحس ان هذا الكلام مبالغ فيه ابدن

لو احد بيقول كذا لان هذي الحقيقه

لا وبعد يكملون الكذب والغزل ويضحكون على البنات

يحسبون اننا ما نفهم
افا والله ما يعرفونا
وكل حركاتهم مكشووووفة..

تقبلو تحياتي..

من طرف **Ě7šâš- âl-šĦôĞ** السبت أغسطس 22, 2009 8:10 am

هذي رهييييييييييييييييبه

- ياريتني يا قلبي عرفتك من زمان!...
(( معليش كان عندك زحمة ))

هههههههههههههههه :7:

يسلموووو

تحيتي

من طرف **يركدون..** الأحد أغسطس 23, 2009 3:06 pm

لبااا قلبك كرااش
وليش الزعل..؟؟

من جد عجبتني ههههههههههههههههايي...

من طرف **'' Crash ''** الثلاثاء أغسطس 25, 2009 3:02 am

الله يسلمك يا روقان ويعطيك الف عافيه على مرورك.. :25:

********

قلت يمكن يا يركدون انو فيه زعل من بعض الاعضاء..

المهم يعطيك العافيه على مرورك الرائع.. :م:

يعطيك العافية كرااااااااش على هذاالموضوع ..

ليه نزعل بالعكس هذا الواقع والحقيقة ومحد يزعل من الحقيقة..

وبكل صراحة البنت اللي تصدق الشباب تستاهل اللي يسويه فيها

تقبلي مروري يالغلا..

من طرف **●▪ yăs man** الخميس أغسطس 27, 2009 5:21 pm

امس مانمت .. طول الوقت افكر فيك .. اخذتي عقلي حبيبتي
(( الا قصدك نمت وحلمت وشبعت نووم ولا تدري عنهاااا اصلاا ))

الله يرجك

ذكرتنا أياااااااااام المراهقــة :2: