أمــي حنـونـه طيـبـه بـنــت الأخـيــار

قلـنـا نـمــر الـــدار ونـشــوف الآثـــار
هــذا مـكــان أمـــي وهـــذي حـجـرهـا
مــا بـاقـي إلا ساسـهـا كـلـش إنـهــار
وأطلالهـا تبـكـي عـلـى الـلـي سكنـهـا
يا شين شوف الدار من عقب الأخيـار
يا شين شوف الـدار مـن عقـب أهلهـا
يـــا دار لـــي بـــك مسـتـقـرٍ ومـعـبـار
يـوم إن نـبـع الـحـب يسـقـي شجـرهـا
أمـي تعشـي الضيـف و تـكـرم الـجـار
ماتـت وهـي مــا أحــدٍ بسـيـة ذكـرهـا
تحفـظ كـتـاب الله ولــه عـلـم وأخـبـار
و علـى طـريـق الخـيـر ربــي ومـرهـا
أمــي حنـونـه طيـبـه بـنــت الأخـيــار
مـعـروفــة بـالـخـيـر كــلــن خـبــرهــا
أمــي حنـانـه لـــو يـــوزع بـالأقـطـار
كــفــى بهـايـمـهـا وكــفــى بـشــرهــا
أمــي حنـانـه مـثـل زخــات الأمـطــار
ومحاسن أمي عاد ما أقـوى أحصرهـا
حزنـي علـى أمـي مثـل بركـان لا ثــار
يقذف حمـم مـن فـوق كبـدي صهرهـا
و حزني على أمي مثل موج بالأبحـار
قـــام يتـصـافـق و الـمـراكـب دمـرهــا
و حزني على أمي دون قيسن و مقدار
لـو هـو علـى قـاسـي صـخـور نثـرهـا
و يا الله عسى قبـره بساتيـن و أنهـار
و علـى الصـراط تمـر لمحـة بصـرهـا
و يا عل جسمه مـا يجـي واهـج النـار
فـــي وســـط جـنــاتٍ تـدلــى ثـمـرهــا

قصيده حزينه ورائعه بنفس الوقت



يعطيك العافيه